ხაშურში ,,ზებრა“ გადასასვლელების დახაზვას ითხოვენ

 სოციალურ ქსელში საინტერესო ფოტო გავრცელდა. ფოტო ფოტოშოპის პროგრამითაა დამუშავებული და ქალაქ ხაშურში ,,ზებრა“ გადასასვლელების დახაზვის მოთხოვნითაა.

   ,,სამწუხაროა, რომ ქალაქ ხაშურში, ცენტრალურ ქუჩებზე და მოედნებზე არაა ,,ზებრა“ გადასასვლელები“, ,,ძველი ფოტოშოპი აქციისთვის ,,გთხოვთ დახაზოთ ,,ზებრა“ ხაშურშიც!“- აღნიშნულია Facebook-ში გავრცელებულ ფოტოზე დართულ ტექსტში.

   აგრეთვე აღსანიშნავია, რომ ხაშურის ცენტრალურ ქუჩებზე მოსაწესრიგებელია პარკირება და ქვეითმოსიარულეთა უსაფრთხოებაც დაუცველია, ამასთანავე არაა ტროტუარებზე შშმ პირთათვის სავალი ბილიკები  და ამ მხრივ მძიმე მდგომარეობაა.

   საზოგადოების დიდი ნაწილი აღნიშნული საკითხების მოგვარებას ითხოვს.