ხაშურის მე-6 საჯარო სკოლაში კინო-კლუბის პირველი ჩვენება გაიმართა

   გალაკტიონ ტაბიძის სახელობის ქალაქ ხაშურის #6-ე საჯარო სკოლაში კინო-კლუბი ჩამოყალიბდა. პროექტი, რომელიც დაიგეგმა და შეიქმნა GLOW’ს ერთკვირიანი არაფორმალური სწავლების პერიოდში, წყნეთში, ბაქსვუდის სკოლაში. ხაშურში, პროექტის ავტორია ამავე სკოლის მოსწავლე თაკო ზექალაშვილი.

კინო–კლუბის მიზანია მოსწავლეები თავისუფალ დროს გასართობ–შემეცნებითი აქტივობებით დაკავდნენ. წლის ბოლომდე ყოველკვირეულად მოეწყობა კინო–ჩვენებებეი ახალგაზრდებისთვის აქტუალურ საკითხებზე. პროექტის ფარგლებში მოწვეული იქნებიან ექსპერტები. აუდიტორიას ექნება საშუალება კინოჩვენების შემდეგ მოისმინოს მოწვეული ექსპერტის მიერ მომზადებული პრეზენტაცია და შემდგომ გამართონ დისკუსია შესაბამის თემაზე.

2015 წლის 13 თებერვალს გაიხსნა კინო–კლუბი და გაიმართა პირველი ჩვენება. ნაჩვენები იქნა რეალურ ფაქტებზე დაფუძნებული მოკლემეტრაჟიანი ქართული ფილმი ,,დინოლა” სადაც აღწერილია სვანური წესების გამო ძალადობის მსხვერპლი ქალის ცხოვრება, რომელსაც გარდაეცვალა ქმარი, დარჩა პატარა გოგონა და მას იძულებით ათხოვებენ სხვა მამაკაცზე.

პროექტის პირველ კინო–ჩვენებაზე ექსპერტის რანგში მოწვეული იყო იურისტი, სამართლის მაგისტრი ზვიად გოგუაძე, რომელმაც წარმოადგინა პრეზენტაცია ქალთა ძალადობაზე. მან პრეზენტაციის შემდგომ უპასუხა აუდიტორიის მიერ დასმულ შეკითხვებს და გამართა დისკუსია ფილმთან დაკავშირებით.

თაკო ზექალაშვილი