სოფელ ზემო აძვისის მოსახლეობა ხიდის აღდგენას ითხოვს

ხაშურის მუნიციპალიტეტის, ჭერათხევის ხეობის სოფელ ზემო აძვისის მოსახლეობა გასული წლის ოქტომბერში სტიქიის შედეგად დაზიანებული ხიდის აღდგენას ითხოვს. ,,ხაშური ნიუსს” სოფლის მცხოვრებნი დაუკავშირდნენ და პრობლემის შესახებ განაცხადეს. როგორც ისინი განმარტავენ მუნიციპალიტეტის გამგებელი პრობლემის შესახებ საქმის კურსშია. დანგრეული ხიდი კი სასწრაფოდ აღდგენას საჭიროებს, ვინაიდან საგაზაფხულო სამუშაოები იწყება ამ ხიდის არსებობაც აუცილებელია. ადგილობრივები სასმელი წყლის პრობლემაზეც საუბრობენ და ადგილობრივი თვითმმართველობისგან მეტ ყურადღებას ითხოვენ.

გთავაზობთ დანგრეული ხიდის ფოტოებს.