,,ლიბერთი ბანკის” თუ დიმიტრი ყიფიანის სახელობის მოედანი ხაშურში

 ცოტა ხნის წინ ხაშურის მუნიციპალიტეტის საკრებულოს გადაწყვეტილებით, ქალაქ ხაშურის ცენტრალურ მოედანს დიმიტრი ყიფიანის სახელი მიენიჭა. ამ ფაქტმა გაახარა ხაშურის საზოგადოება და იმის მოლოდინი გაუჩნდათ, რომ ,,გაშიშვლებულ” მოედანს მეტად დაეტყობოდა ღირსეული საზოგადო მოღვაწის, ქართველი წმიდანის სახელის მინიჭება. ყველასთვის სამწუხაროდ მოედანზე მხოლოდ ერთი აბრა გაჩნდა, რომელიც ,,ლიბერთი ბანკმა” დაამზადებინა და შესაბამისად ქალაქის ცენტრალურ მოედანზე განთავსებულ ბანერზე ,,ლიბერთი ბანკს” საგანგებო ადგილი უჭირავს და უფრო სარეკლამო დანიშნულება აქვს, ვიდრე მოედნის სახელწოდების აღმნიშვნელი.

 ფაქტს გამოეხმაურა დიმიტრი ყიფიანის შთამომავალი, ქალბატონი თამარ მიქაძე და სოციალურ ქსელში სხვა მრავალი ადამიანი, რომლებიც ამ ფაქტის გამო აღშფოთებას ვერ მალავენ.

 აქვე არსებულ დიმიტრი ყიფიანის სახელობის სკვერში უკვე მრავალი წელია ქვის ფილაა განთავსებული, რომელზეც წერია, რომ უნდა აღიმართოს ქართველი საზოგადო მოღვაწის უკვდავსაყოფად შესაბამისი მემორიალი. თუმცა ეს ფაქტი ჯერ კიდევ არავის გახსენებია.